La Tèrra.
Mascle uman.
La Tèrra es la tresena planeta del Sistèma Solar per çò qu’es de la siá proximitat al Solelh e la cinquena per lo sieu diamètre. Fa partida de las planetas terrèstras o telluricas e es lo solet còrs celèst ont es confirmada la preséncia de vida. Vira a ľentorn del Solelh long ďuna orbita pas gaire excentrica (una ellipsa que sembla una circonferéncia) a una distància mejana de 149600000 km (1 UA) e a una velocitat de 29,8 km/s. Vira sus se e a un periòde de rotacion de 23 h 56 min 3,5 s, movement que determina lo jorn e la nuèch. Son diamètre eqüatorial es de 12756 km. A sonque un satellit natural, la Luna. Se tròba dins lo quadrant alfa de la Via Lactèa. En lo 5 ďabril del 2063 la Tèrra faguèt lo primièr viatge mai lèu que la lutz, en cridant ľatencion dels vulcanians.
Abitants[]
Los umans, èssers umans, òmes, terricòlas, terrèstres o terrians (aquel darrièr dins ľunivèrs miralh) (Homo sapiens, “òme savi” en latin) son ďabitants de la Tèrra e son de primats bipèdes de la familha dels ominids, e Homo sapiens es lo darrièr representant actual e ľunica espècia subreviventa del genre Homo. Dins aquela espècia n’existís sonque una sosespècia viva, Homo sapiens sapiens, que se correspond a ľòme actual. Las pròvas ďADN indican que los umans modèrns s’originèron en Africa fa aperaquí unes 200000 ans. Los umans, amb los teremedosians, los gobolians, los nimbeans e los mirians (sistèma Talos) forman la Flòta Estellara de la Federacion.
Satellit natural: la Luna[]
La Luna.
La Luna es lo solet satellit natural de la Tèrra. A un diamètre de 3475 km e orbita a una distància mejana de 384400 km. La siá massa es 81 còps pus pichona que la de la Tèrra, e ľacceleracion de la gravitat es aperaquí un seisen ďaquela de la Tèrra. La siá superfícia es claufida de cratèrs e la siá atmosfèra es insignificanta. Foguèt lo 21 de julhet del 1969, amb los astronautas de ľApollo 11, que los òmes botèron lo pè sul sieu sòl lo primièr còp. A mitats del sègle 21n se crèa la primièra colònia sus la Luna. La Luna sortís fòrça dins la sèria originala ďanimacion, e pas tant dins ľunivèrs espandit.
| Luòcs e raças de Planetes |
|---|
| FEF: Tèrra (Umans) • Gobòla (Gobolians) • Teremedó (Teremedosians) • Vulcan (Vulcanians) • Nimbeans e mirians (sistèma Talos) D’autras: Klingons (Kronos) • Sulibans • Encencha Tekòda • Pegàs (pegasians) • Domeni (dimension desconeguda) • Univèrs miralh • Via Lactèa |