Planetes Wiki
Advertisement
Planetes Wiki

Lògo de ľanime.

Lògo de ľunivèrs espandit de Planetes en general.

Planetes (プラネテス Puranetesu, o en grèc ancian Πλανήτης) es una sèria ďanime japonesa dirigida per Goro Taniguchi e produsida per Sunrise, e cònsta ďun total de 26 episòdis. Foguèt estreada en lo 4 ďoctòbre del 2003. A un univèrs espandit creat per Dýmapko (M2) qu’a coma lenga principala lo catalan.

Argument de ľanime

Ľistòria s’adapta en 2075 e tracta sus un grop ďastronautas trabalhadors dins ľEstacion Espaciala Tecnora, dins la seccion de dèishas, mai coneguda coma “la semi” (pr’amor qu’es un grop amb un budgèt retalhat e compta sonque amb la mitat del personal) lo dever que n’es reculhir las escobilhas espacialas qu’interferisson dins las activitats aeronauticas de la Tèrra.

Ras de ľaccident sofèrt per la nau de passatgièrs Alnail-8, ľan 2068, lo problèma de las escobilhas espacialas crubèt granda importància e protagonisme: de satellits artificiales ďun sol usatge, de tancs abandonats per las lançadoiras, de residus derivats del bastiment ďestacions espacialas… Totas aquelas dèishas orbitan a ľentorn de la Tèrra a de velocitats que rondejan los 8 km/s. Ľimpacte ďun ďaqueles objèctes amb una nau espaciala poiriá provocar un grèu accident, e per evitar qu’una nòva tragèdia se repetiguèsse, se creguèt necessari per la carrièra espaciala manténer jos contraròtle lor recuelhuda.

Personatges

Seiyū: Kazunari Tanaka (japonés).
Hachirota Hoshino es un dels personatges principals de ľanime, sovent nomenat amb lo subernòm de Hachimaki (en japonés «cinta pel pel», pr’amor qu’el ne pòrta totjorn una pendent las siás missions espacialas, e que li fa se situar dins la realitat e ľajuda a se concentrar), es un dels protagonistas. Pòrta dins lo trabalh de collector de dèishas espacialas 4 ans, amb los sieus companhs Fee Carmichael e Yuri Mihairokoh, mas el a totjorn somiat aver la siá pròpria nau espaciala. Lèu s’avisarà que pas tot es possible e que las causas las atenhon quales pòdon. Ja plan dintrada ľistòria, Hachimaki se sentirà fòrça jonch a la nau que lo portarà sus Júpiter, lo Wernher Von Braun, qu’el lo sòna “la miá nau”. S’exprimís fatal dins los afars sentimentales, mas Tanabe lo compren perfièchament.
Seiyū: Satsuki Yukino (japonés).
Ai Tanabe es una dròlla que rejonh la seccion de dèishas. Aurà inicialament una relacion ďantipatia amb Hachimaki, pr’amor qu’es amb el pas ďacòrdi en res, mas succedirà a la fin tot lo contrari, quand Hachimaki se n’avisa que cadun a una granda afeccion per ľautre. Al principi es reservada, prudenta e timida, mas serà fin finala fòrça decidida a menar a tèrme çò que se prepausa, en recorrent a la siá idèa que ľamor repara tot, que sens amor degun poiriá existir, e que degun vòl viure ni morir sol. A la fin de ľistòria, après ľatac ďunes terroristas nomenats “Front de Defensa de ľEspaci” sus la nau Von Braun, Tanabe sofrís una ipoxia per fauta ďaire dins lo sieu vestit e las siás foncions motrises se veson fòrça afectadas, mas atenherà se recuperar. En jogant a un jòc de paraulas amb Hachimaki, el a lo torn de dire una paraula que comence per “ma-”, e li respond a ela “maridem-nos”.
Seiyū: Ai Orikasa (japonés).
Fee Carmichael es la capitana del DS-12 Toy Box, la nau de la semi. Nasquèt a Richmond, Virgínia. Es una femna fòrça protectritz dels integrants del sieu grop. Dins lo sieu burèu fuma totjorn dins una cabina. Es fòrça calculadora e intelligenta, mas amb un defècte, es una fumaira irremediabla, tant que recorrerà a un accident, en aprofechant que combatèt contra una nau dels terroristas, per tornar fumar una cigarreta après 4 jorns ďassages falhits ďo far. Dins las naus espacialas i a fòrça pauc de luòc per las gents fumairas, çò que la despacienta.
  • Yuri Mihairokoh (ユーリ·ミハイロコフ Yūri Mihairokohu, en rus: Юрий Михалков, Yuri Mihalkov)
Seiyū: Takehito Koyasu (japonés).
Yuri Mihairokoh es un astronauta rus que barra dins un mur de pèira lo sieu passat e los sieus sentiments. Venguèt un collector de dèishas unicament per recuperar la bossòla de la siá femna, mòrta en ľaccident de ľAlnail 8. Quand la tròba fin finala, e amb ľajuda del fraire pichon de Hachimaki e après 6 ans de recèrca, sosca seriosament sus la siá demission, pr’amor que la siá mission es complida. Demorarà fin finala dins lo grop pr’amor que pensa qu’es pas mai ligat al sieu passat e pòt decidir la siá vida, eissorbada pel dolor de la mòrt de la siá espòsa. Es ľencargat del suènh e mantenença dels animals que se situan dins la “set” (ISPV 7), ľestacion espaciala dempuèi ďont començan lors missions de collectors.

Musica

Banda sonòra: Nakagawa Kotaro

Opening:

  • “Dive in the Sky”, per Mikio Sakai

Ending:

  • “Wonderful Life”, per Mikio Sakai (ep. 1-25)
  • “PLANETES”, per Hitomi Kuroishi (ep. 26)

Univèrs espandit

Ľunivèrs espandit de Planetes compta quatre sèrias que son pas estadas televisadas.

Sèria 1: Planetes

Lògo de Planetes (sèria 1).

La primièra sèria, nomenada coma ľanime, compta doas sasons amb 10 episòdis caduna. Se situa de ľan 1999 al 2000, 75 ans abans dels eveniments de ľanime. Un grop de mainats umans e de la planeta Gobòla van a la Tèrra amb la nau Bòla 04 per prene Josep Maria 4. Mas la nau es capturada per unes èssers nomenats bursians, e los obligan a èsser barrats dins ľencencha Tekòda.

Sèria 2: Planetes Mata 2

Lògo de Planetes Mata 2.

Compta quatre sasons amb 10 episòdis caduna, e es dividida en doas parts:

  • Sasons 1 e 2: La primièra part de la sèria comença dempuèi ďacabar la sèria 1. Se situa del 2000 al 2001. Comença un nòu cors dins Tekòda e van ara amb la nau 05, panada de la dimension desconeguda del quadrant gamma. Descobrisson ailà de nòvas causas, e amb pistolets per tirar suls bursians se cal.
  • Sasons 3 e 4: Se situa del 2008 al 2012, ont los eveniments arriban dins la meteissa nau mas comença sièis ans après acabar la primièra part. La nau FEF 05, que s’aviá donat per perduda, es amassada de nòu e una part de ľequipatge original va cap a defòra de ľunivèrs, dins çò qu’eles creson qu’es lo “Cèl”. Son a la fin penalizats e se destruissi la nau, en s’en salvant sonque 6.

Sèria 3: Planetes 3

Lògo de Planetes 3.

Compta uèch sasons amb 26 episòdis caduna, e es tanben dividida en doas parts:

  • Sasons 1 e 2: Aquela sèria comença dempuèi ďacabar la primièra part de la sèria 2. Se situa del 2001 al 2002. Après aver tirat sus totes los bursians, resulta que pas totes son mòrts e restablisson lo poder. Comença lo tresen an e amb una nau secrèta e facha per eles nomenada 06. Van amb de tecnologia nòva, coma de pistolets de fasèr, de comunicadors, de medecina… Es aicí ont se fonda la Flòta Estellara de la Federacion.
  • Sasons 3 a 8: Josep Maria amb 13 ans e lo sieu nòu pichon equipatge İhi Kadse e 0 descobrisson ľexisténcia de la Mar digitala e i crèan un mond virtual. De pauc en pauc ľequipatge qu’en una origina èra de 3 se fa mai grand.

Al mitan de ľochena sason la linha temporala càmbia amb ľaparicion dels sulibans e Kimberly, e la sèria acaba dins una linha temporala desparièra.

Sèria 4: SèriaStar4

Lògo de SèriaStar4.

Compta 16 sasons amb 10 episòdis caduna. Se situa de ľan 2001 al 2121. Comença amb un grop de nimbeans e de mirians, procedentes del sistèma Talos, van cercar de nòvas civilizacions per ľespaci. Ne sortisson dotze naus, e aquesta n’es ľochena. Mai tard se tròban amb la FEF, que s’i jonhon. De pauc en pauc los protagonistas càmbian: ďunes nòus pas umans als de Planetes 3. Aquela sèria dins las sasons 5-16 presenta un futur que poiriá èsser estat lo futur de Planetes 3, mas sens ľincursion temporala dels sulibans.

Pelliculas

S’an fach sèt pelliculas de ľunivèrs espandit, e se’n faràn doas de mai. Las pelliculas son:

Ligams extèrnes

Advertisement