Alxy Frankz

Alxy Frankz
Estat actual	Mòrt
Espècia	Teremedosian
Genre	Òme
Data de naissença	1995
Luòc de naissença	Bàrcinon, Ketalània, Teremedó
Relacions ďamor	Andrea (anciana partenària, mòrta) Carla alternativa (darrièra partenària, mòrta)
Còpia de ľunivèrs miralh	Mòrt
Primièra aparicion	«Planetes II: Lo director del montatge» (2010)
Darrièra aparicion	«Planetes VIII: Te refarai la tiá vida» (2022)

Alxy Frankz es un personatge de ľunivèrs espandit de Planetes. Es teremedosian, e es ľenemic de Josep Maria.

Istòria

Apareis pel primièr còp dins la pellicula Planetes II: Lo director del montatge. Apareis una version ďel de ľan 2010 e una version de ľan 2020. Dins un futur ďuna linha temporala alternativa, ľan 2020 Josep Maria 24 pòrta una vida fòrça desagradiva. Quand ensaja de cambiar ľistòria en viatjant a ľan 2010, Alxy Frankz viatja tanben enrè dins lo temps al 2010 e i tròba la siá version dètz ans mai jove. Après una lucha, Alxy Frankz del futur desapareis, e aquel del present se’n va al sieu amagatal. Josep Maria 14 crei qu’Alxy Frankz del futur a desaparegut pr’amor que ľistòria es estada corregida.

Dins la pellicula Planetes VI: Sol dins un mond normal, tòrna coma un dels antagonistas. Alxy Frankz s’alia amb la regenta Andrea de ľunivèrs miralh per lutar contra lo sieu enemic, Josep Maria 22 e los sieus amics de ľanciana Flòta Estellara de la Federacion. La regenta Andrea destruís totas las planetas qu’ajudavan Josep Maria 22 e crèa una maquina que destruirà Teremedó. Totun, Alxy Frankz es ďacòrdi amb ela e mai se se destruisca la siá planeta. Andrea fa una aliança amb lo Proprietari de las Innocéncias, que se revèla mai tard qu’es lo pròpri Alxy Frankz del futur alternatiu qu’a pas desaparegut, après la siá desbranda se teletransportèt simplament e degun ne sabèt res mai. Alxy Frankz del futur alternatiu, ara amb unes trenta ans, ensaja de véncer lo sieu enemic e s’apoderar de Teremedó, e destruís qualques astres qu’orbitan Teremedó en fasent qu’un tèrç de la populacion teremedosiana morisca. Sembla que Josep Maria 23 viurà fin finala la vida desagradiva del futur alternatiu ďont i proven ľAlxy Frankz mai annadit… Urosament, a la fin de la pellicula, los oficièrs de la nau FEF 07 capitan ďarrestar Andrea e la version del present ďAlxy Frankz. 0 tua Andrea a sang freda, e los oficièrs de la 07 barran Alxy Frankz dins una preson de Teremedó. Mas 23 crei que las versions mai annadidas ďAlxy Frankz son aliadas amb una companha del sieu grop qu’estúdia lo rus, e descobrís mai tard qu’aquela dròlla es una creatura metamorfica.

Dins la pellicula Planetes VII: La fin ďun futur, dins la preson de Teremedó ont s’i tròba Alxy Frankz, Panda arriba a la siá cèla desguisat ďun polícia e li claua un ponhal especial dins lo còr, ľaucís e mentre Alxy Frankz tomba sul sòl mòrt, Panda tòrna se desguisar de polícia e sortís de la preson. Mentretant, dins la carrièra, un òme ďunes 35 ans pren un objècte e se desguisa del meteis polícia, mas vei Panda que sortís de la preson amb la meteissa forma qu’el. Totes dos lutan per las carrièras de Bàrcinon, e Panda emplega fin finala las pòrtas del sieu TARDIS coma una trapèla e atenh aucir lo sieu enemic, en lo talhant per la mitat. Panda va sul 07 e ditz a 24 e a 0 que i aviá tres versions ďAlxy Frankz e n’a assassinat doas ara meteis, mas ne manca encara una autra qu’es lo Proprietari de las Innocéncias e cal ľaucir tanlèu coma siá possible. Mai tard, Panda ven dire als oficièrs del 07 que lor cal portar sul 07 la creatura metamorfica desguisada ďuna dròlla normala qu’estúdia rus a ľanciana escòla de lengas de 24, pr’amor que sabon pas quala es ni çò que vòl. 24 se virtualiza e 0 se teletranspòrta dins la sala de ľescòla ont la creatura metamorfica i estúdia rus. Los ancians companhs de 24 s’estonan, e 24 ensaja de prene la creatura metamorfica. Mas ela ven un ausèl grand e ensaja de sortir per la fenèstra, e 0 se vei obligat a li tirar amb lo sieu fasèr, mas ľaucís: la creatura espeta, e totes demòran tacats amb un liquid estranh. 24 garda lo liquid e ditz: “Lo Domeni. Vos arrestèrem un còp e o farem un autre còp!”. 0 esborra la memòria de totes amb una espirala, e tòrnan sul 07. Panda ditz que la Tèrra poiriá èsser ocupada e destruida pel Domeni, doncas lor cal destruir lo trauc de vèrme bajoran per los empedir de venir. Panda sap cossí o far, e i van. Quand i arriban, Panda modifica una torpilha, e quand la lançan al trauc de vèrme, se destruís. Panda ditz que la torpilha portava matèria roja, mas los explica pas çò qu’es per tal que se preocupen pas. Totun, ditz que lor cal susvelhar pr’amor que sabon pas s’aquela cambiaira aviá avertit lo Domeni per atacar la Tèrra o ela èra aliada amb qualqu’un mai. Panda ditz que pensa qu’es la segonda causa, e se’n va amb lo sieu TARDIS.

Dins la pellicula Planetes VIII: Te refarai la tiá vida, un jorn, s’òbri un portal que pòrta cap al passat e ne sortís una version de ľan 2009 de Fran, ľancian nòvi de Carla. La linha temporala càmbia alara, mas 25 a encara los remembres de la linha temporala originala mercés a ľimmunizacion de Ɛ. Dins aquela linha temporala alternativa, après la desaparicion de Fran, 25 talhèt amb İhi per sortir amb Carla, e İhi e 0 comencèron una relacion: los cobles son escambiats. XANA foguèt pas derrotat, e es ara fòrça mai fòrt: destruiguèt fòrça vilas del mond, lo setanta per cent de la populacion de la Tèrra es mòrt, e la rèsta viu jos las òrdres de XANA. XANA auciguèt tanben İhi, e demòra pas cap de planeta de la FEF, quitament pas Teremedó pr’amor que XANA destruiguèt Mart. Faguèron una autra nau, lo 09, ont Pumiky e Ann i vivián. Mas XANA s’apoderèt de la nau e auciguèt lo sieu equipatge. Amb lo 09, atenguèt destruir las vilas e prene lo contraròtle de la Tèrra. Ara 25 e Carla son prèste de se maridar e espèran un filh… Mas decidisson de restaurar ľistòria, pr’amor que considèran que la linha temporala originala es melhora. Atenhon fin finala corregir ľistòria, mas Carla viatja al passat amb Fran… En abril del 2021, 25 va sus Teremedó e per las carrièras, i tròba Carla de la linha temporala alternativa ont i sortián amassa! Ela a ara 37 ans. 25 ven fòrça content, mas Carla li revèla qu’es ara la partenària de la version mai ainada ďAlxy Frankz, e que totes dos evitavan que Josep Maria aguès de nòvas relacions amb de dròllas dempuèi fa mai de cinc ans. 25 explica tot a 0 e a Panda, e decidisson de se preparar. A mai del 2021, amb ľusatge ďun programa de Panda, Alxy Frankz e Carla an daissat sus la Tèrra una version umana de Meŀlina amb sonque los remembres de la clona, e lor a calgut extraire la vida de la vertadièra Meŀlina per donar vida al nòu còs creat per eles. Es a dire, la relacion de Meŀlina amb 25 es acabada, après èsser amassa 6 meses. 25 dona un còp de ponh a la taula de contraròtle e ditz: “Alxy Frankz, ťaucirai!”, e Panda ditz: “E ieu tanben!”…

Se descobrís tanben qu’Alxy Frankz e Carla alternativa an evitat que Josep Maria aguès de nòvas relacions amb de dròllas après talhar amb İhi. 0 descobrís qu’Alxy Frankz e Carla an substituit la sirèna Alexandra e totes los sieus filtres de percepcion per personas realas, en extrasent la vida de gents a ľazard. Es a dire, Alexandra es pas mai una sirèna ni i a risc que morisca se se li parla de sirènas. De mai eles faguèron qu’Alexandra venguèsse dins lo mond real e cambiès tant la vida dels membres de la glèisa evangelica. 0 ditz a 26 que crei que las doas dròllas imaginàrias ľan potonat per li traire informacion mentre el èra distrach. E dins una esfèra de transpòrt de ľunivèrs miralh, Alxy Frankz confirma las sospèchas de 0: emplegaràn ľinformacion qu’an obtengut amb lo poton per atacar Teremedó. A la fin de ľochena pellicula, Panda ven al 07 per far la mission finala contra Alxy Frankz, pr’amor qu’eles vòlon destruir Teremedó: mentre Carla ensaja de sedusir 26 per los distraire, Alxy Frankz prepara ľarma. Totun, Panda atenh ľarrestar e ľaucir en lo talhant amb lo TARDIS. En vesent la mòrt ďAlxy Frankz, Carla destruís lo TARDIS e aucís Panda amb una arma especiala que li empedís de se regenerar, doncas morirà per totjorn. Quand Carla se dispausa a aucir 26, 0 ľaucís sens saber que lo fasèr èra programat per aucir. Los enemics son mòrts, mas 26 a encara lo trabalh ďajudar lo sieu fraire a èsser urós, e crèa doncas una simulacion dins una cambra olografica e fa creire a 0 que començarà una nòva vida amb Carla de la Tèrra, mas aquela Carla es en realitat un olograma. 0 e Franny viuràn aquela illusion, mentre 27 viurà sol dins lo mond real sens i poder dintrar, pr’amor que s’i dintrèsse, 0 descobririá ľengana. Doncas, 27 pòt pas tornar veire lo sieu fraire o lo sieu nebot.